Аб страхаванні ўраджаю сельскагаспадарчых культур, жывёлы і птушкі ў 2024 годзе
Указ № 131 ад 4 красавіка 2024 г.
Прэзідэнт Беларусі Аляксандр Лукашэнка 4 красавіка падпісаў Указ № 131 "Аб страхаванні ўраджаю сельскагаспадарчых культур, жывёлы і птушкі ў 2024 годзе".
Дакументам зацверджаны пералік сельскагаспадарчых культур, жывёлы і птушкі і страхавыя тарыфы па іх абавязковым страхаванні з дзяржаўнай падтрымкай на бягучы год.
Акрамя таго, устаноўлены працэнты пакрыцця ўрону і затрат на перасяванне ў гэтым годзе пры гібелі сельгаскультур, урону пры гібелі (падзяжы), экстранным забоі (знішчэнні) жывёлы і птушкі.
Указ накіраваны на забеспячэнне страхавой абароны вытворцаў сельскагаспадарчай прадукцыі.
