Прэзідэнт Рэспублікі Беларусь 26 ліпеня падпісаў Указ № 388 "Аб парадку распараджэння дзяржаўным жыллёвым фондам".
Дакумент прыняты ў мэтах комплекснага рэгулявання прававых адносін па распараджэнню дзяржаўным (рэспубліканскім) жыллёвым фондам.
Ва Указе вызначана кампетэнцыя дзяржаўных органаў па распараджэнню замацаванымі за імі жылымі памяшканнямі, а таксама жылымі памяшканнямі, што знаходзяцца ў аператыўным кіраванні або гаспадарчым веданні падпарадкаваных ім рэспубліканскіх юрыдычных асоб (якія ўваходзяць у іх склад) або перададзены ў бязвыплатнае карыстанне недзяржаўных юрыдычных асоб.
Устаноўлена, што па рашэнню дзяржаўных органаў жылыя памяшканні могуць быць адчужаны работнікам, якія знаходзяцца на ўліку маючых патрэбу ў паляпшэнні жыллёвых умоў. Продаж жылых памяшканняў такім грамадзянам будзе ажыццяўляцца па ацэначнаму кошту (але не вышэй за рыначны).
Адчужэнне жылых памяшканняў, што знаходзяцца ва ўласнасці Рэспублікі Беларусь, грамадзянам, якія не знаходзяцца на ўліку маючых патрэбу ў паляпшэнні жыллёвых умоў, а таксама юрыдычным асобам на бязвыплатнай або аплатнай аснове і продаж жылых памяшканняў на аўкцыёне будуць ажыццяўляцца па рашэнню Прэзідэнта Рэспублікі Беларусь.
Па рашэнню Урада, узгодненаму з Кіраўніком дзяржавы, будуць ажыццяўляцца бязвыплатная перадача ў камунальную ўласнасць жылых памяшканняў, якія знаходзяцца ва ўласнасці Рэспублікі Беларусь і аператыўным кіраванні Нацыянальнага банка, Адміністрацыі Прэзідэнта Беларусі, Кіраўніцтва справамі Прэзідэнта, Нацыянальнай акадэміі навук Беларусі, іншых дзяржаўных органаў (дзяржаўных арганізацый), падпарадкаваных Прэзідэнту, Генеральнай пракуратуры, а таксама набыццё жылых памяшканняў ва ўласнасць Рэспублікі Беларусь за кошт сродкаў рэспубліканскага бюджэту або бязвыплатна.
Урад будзе мець права перадаваць жылыя памяшканні ў межах рэспубліканскай уласнасці, ажыццяўляць адчужэнне дзяржаўнага жылля ў іншых выпадках, вызначаных Указам.
Падрабязны механізм прыняцця рашэнняў аб продажы жылых памяшканняў замацаваны ў Палажэнні аб парадку і ўмовах продажу жылых памяшканняў рэспубліканскага жыллёвага фонду, зацверджаным Указам.
Прыняты Указ уступіць у сілу праз чатыры месяцы пасля яго афіцыйнага апублікавання.
Тэкст Указа глядзіце, калі ласка, у рускай версіі на Партале Прэзідэнта Рэспублікі Беларусь | 
