Прэзідэнт Рэспублікі Беларусь Аляксандр Лукашэнка сваім Указам № 586 ад 12 лістапада адобрыў у якасці асновы для правядзення перагавораў праект Пратакола аб унясенні змяненняў і дапаўненняў у Пагадненне аб парадку перамяшчэння фізічнымі асобамі тавараў для асабістага карыстання праз мытную граніцу Мытнага саюза і ўдасканалення мытных аперацый, звязаных з іх выпускам, ад 18 чэрвеня 2010 года.

Намеснік Прэм'ер-міністра Беларусі Андрэй Кабякоў упаўнаважаны на правядзенне перагавораў па праекту гэтага пратакола і яго падпісанне.

Указам прадугледжана, што пратакол будзе часова прымяняцца з даты яго падпісання да ўступлення ў сілу.