Прэзідэнт Рэспублікі Беларусь, Прэзідэнт Нацыянальнага алімпійскага камітэта Рэспублікі Беларусь  Аляксандр Лукашэнка накіраваў прывітанне ўдзельнікам XIV рэспубліканскіх спаборніцтваў па хакею сярод дзяцей і падлеткаў "Залатая шайба".

"Па добрай традыцыі гэта адзін з самых папулярных і прадстаўнічых дзіцяча-юнацкіх спартыўных турніраў Беларусі. У яго багатая гісторыя і выдатныя перспектывы. Многія вядомыя хакеісты пачыналі свой слаўны шлях менавіта з такіх спаборніцтваў", - гаворыцца ў віншаванні.

Аляксандр Лукашэнка адзначыў, што "Залатая шайба" з'яўляецца сапраўднай школай майстэрства для юных спартсменаў, якія ў барацьбе за чэмпіёнскі тытул праяўляюць свае лепшыя якасці: баявы характар, цвёрдую волю, смеласць і ўменне быць адзінай камандай.

Кіраўнік дзяржавы выказаў упэўненасць, што маладое пакаленне спартсменаў, для якіх патрыятызм і прэстыж Радзімы заўсёды будуць на першым месцы, кожнай сваёй гульнёй дакажа, што Беларусь - моцная спартыўная краіна.