Прэзідэнт Рэспублікі Беларусь Аляксандр Лукашэнка павіншаваў лаўрэата Нобелеўскай прэміі віцэ-прэзідэнта Расійскай акадэміі навук акадэміка Жарэса Алфёрава з 80-годдзем.

Кіраўнік дзяржавы адзначыў, што з імем Жарэса Алфёрава ў свеце звязваюць выдатныя адкрыцці ў фізіцы і радыёэлектроніцы. "Вы змаглі выхаваць цудоўных вучняў, якія ўносяць важкі ўклад у айчынную і сусветную навуку. У нашай краіне ганарацца Вамі як вядомым грамадскім і палітычным дзеячам і горача любяць як свайго славутага земляка, якога вызначаюць сапраўдны патрыятызм і шырыня душы", - гаворыцца ў прэзідэнцкім віншаванні.

Аляксандр Лукашэнка таксама выказаў упэўненасць, што шматгранны талент вучонага і ў далейшым будзе служыць высакароднай справе ўмацавання дружалюбных сувязей брацкіх народаў Расіі і Беларусі.