Прэзідэнт Рэспублікі Беларусь Аляксандр Лукашэнка падпісаў Указ № 143 "Аб асобных пытаннях падаткаабкладання".

Гэтым нарматыўным актам унесены шэраг змяненняў ва ўказы, што рэгулююць падатковую сферу.

Так, базавыя стаўкі адзінага падатку з індывідуальных прадпрымальнікаў і іншых фізічных асоб устаноўлены ў беларускіх рублях замест дзеючых цяпер у еўра, што дасць магчымасць спрасціць разлікі плацельшчыкаў гэтага падатку з бюджэтам.

У мэтах забеспячэння ў 2010 годзе дадатковых паступленняў грашовых сродкаў у мясцовыя бюджэты ўказам прадастаўлена права мясцовым Саветам дэпутатаў павялічваць (змяншаць), але не больш як у два разы, стаўкі зямельнага падатку і падатку на нерухомую маёмасць асобным катэгорыям плацельшчыкаў.

Указам прадугледжана вызваленне на працягу пяці гадоў ад абкладання падаходным падаткам даходаў фізічных асоб, якія пераехалі ў Беларусь на пастаяннае месца жыхарства, пры ўмове перамяшчэння імі грашовых сродкаў у Беларусь. Да такіх даходаў указам аднесены даходы, атрыманыя ад крыніц за межамі Беларусі ў выглядзе дывідэндаў, працэнтаў, роялці, даходаў па аперацыях з каштоўнымі паперамі, ад рэалізацыі нерухомай маёмасці.

Акрамя таго, Указам прадугледжаны шэраг іншых палажэнняў, якія ў тым ліку забяспечваюць прывядзенне тэрміналогіі ўказаў Прэзідэнта Беларусі, што рэгулююць пытанні падаткаабкладання, у адпаведнасць з Падатковым кодэксам Рэспублікі Беларусь.

Гэты Указ уступае ў сілу 1 студзеня 2010 года.

Тэкст Указа глядзіце, калі ласка, у рускай версіі на Партале Прэзідэнта Рэспублікі Беларусь