Аб дзяржаўнай падтрымцы інвалідаў

У мэтах узмацнення дзяржаўнай падтрымкі інвалідаў:

1. Устанавіць, што:

1.1. асоба, якая суправаджае інваліда I групы або дзіця-інваліда ва ўзросце да 18 гадоў, мае права на бясплатны праезд на чыгуначным, водным і аўтамабільны пасажырскім транспарце агульнага карыстання рэгулярных прыгарадных зносін (акрамя таксі).

Гэта права рэалізуецца грамадзянамі пры прад'яўленні дакументаў таго, каго суправаджаюць (пасведчання інваліда I групы або пасведчання дзіцяці-інваліда);

1.2. пакрыццё расходаў, панесеных арганізацыямі ў сувязі з прадастаўленнем грамадзянам права на бясплатны праезд у адпаведнасці з падпунктам 1.1 гэтага пункта, ажыццяўляецца за кошт сродкаў рэспубліканскага бюджэту ў парадку, устаноўленым Саветам Міністраў Рэспублікі Беларусь.

2. Савету Міністраў Рэспублікі Беларусь:

2.1. пры падрыхтоўцы нарматыўнага прававога акта аб удакладненні асобных паказчыкаў рэспубліканскага бюджэту на 2010 год прадугледзець сродкі:

на пакрыццё расходаў, панесеных арганізацыямі ў сувязі з прадастаўленнем грамадзянам права на бясплатны праезд на чыгуначным пасажырскім транспарце агульнага карыстання рэгулярных прыгарадных зносін;

на перадачу аблвыканкамам і Мінскаму гарвыканкаму міжбюджэтных трансфертаў для пакрыцця расходаў, панесеных арганізацыямі ў сувязі ў прадастаўленнем грамадзянам права на бясплатны праезд на водным і аўтамабільным пасажырскім транспарце агульнага карыстання рэгулярных прыгарадных зносін (акрамя таксі);

2.2. у шасцімесячны тэрмін забяспечыць прывядзенне актаў заканадаўства ў адпаведнасць з гэтым Указам і прыняць іншыя меры па яго рэалізацыі.

3. Гэты Указ уступае ў сілу пасля яго афіцыйнага апублікавання.

Прэзідэнт Рэспублікі Беларусь А.Лукашэнка