Аб некаторых пытаннях пераацэнкі на 1 студзеня 2010 г. асноўных сродкаў, не завершаных будаўніцтвам аб’ектаў і неўстаноўленага абсталявання

У мэтах стварэння дадатковых умоў для забеспячэння стабільнай работы арганізацый:

1. Устанавіць, што правядзенне пераацэнкі (змяненне кошту) на 1 студзеня 2010 г. існуючых у бухгалтарскім уліку арганізацый асноўных сродкаў, не завершаных будаўніцтвам аб’ектаў і неўстаноўленага абсталявання, прадугледжанай Указам Прэзідэнта Рэспублікі Беларусь ад 20 кастрычніка 2006 г. № 622 ”Аб пытаннях пераацэнкі асноўных сродкаў, не завершаных будаўніцтвам аб’ектаў і неўстаноўленага абсталявання “ ( Нацыянальны рэестр прававых актаў Рэспублікі Беларусь, 2006 г ., № 171, 1/8013), ажыццяўляецца арганізацыямі без уліку перыяду з 1 студзеня па 31 снежня 2008 г.*, калі гэтыя арганізацыі не праводзілі пераацэнку на 1 студзеня 2009 г. у адпаведнасці з пунктам 1 Указа Прэзідэнта Рэспублікі Беларусь ад 27 лютага 2009 г. № 116 ”Аб некаторых пытаннях пераацэнкі асноўных сродкаў, не завершаных будаўніцтвам аб’ ектаў і неўстаноўленага абсталявання“ (Нацыянальны рэестр прававых актаў Рэспублікі Беларусь, 2009 г., № 56, 1/10518).

2. Арганізацыям, названым у пункце 1 гэтага Указа, што ажыццявілі ва ўстаноўленым парадку да ў ступлення ў сілу гэтага Указа пераацэнку (змяненне кошту) на 1 студзеня 2010 г. існуючых у іх бухгалтарскім уліку асноўных сродкаў, не завершаных будаўніцтвам аб’ектаў і неўстаноўленага абсталявання, у 30-дзённы тэрмін з дня ўступлення ў сілу гэтага Указа скарэкціраваць даныя бухгалтарскага і падатковага ўліку ў адпаведнасці з прадпісаннямі пункта 1 гэтага Указа і прадставіць у падатковыя органы ўдакладненыя падатковыя дэкларацыі (разлікі) са змяненнямі і (або) дапаўненнямі, а таксама пры неабходнасці зрабіць даплату падаткаў, збораў, іншых абавязковых плацяжоў у бюджэт. Пры гэтым меры адміністрацыйнай адказнасці да такіх арганізацый не прымяняюцца .

3. Гэты Указ уступае ў сілу з дня яго афіцыйнага апублікавання. Дзеянне пункта 1 гэтага Указа распаўсюджваецца на адносіны, што ўзніклі з 1 студзеня 2010 г.

_________________

* За выключэннем пераацэнкі, што проводзіцца метадамі прамой ацэнкі і пераразліку валютнай вартасці.

Прэзідэнт Рэспублікі Беларусь А.Лукашэнка