Аб павелічэнні памераў некаторых відаў стыпендый навучэнскай моладзі

1. Павялічыць з 1 студзеня 2010 г. на 10 працэнтаў памеры вучэбных стыпендый навучэнцам дзённай формы атрымання вышэйшай і сярэдняй спецыяльнай адукацыі за кошт сродкаў рэспубліканскага бюджэту па асобных спецыяльнасцях (напрамках спецыяльнасцей, спецыялізацыях) згодна з дадаткам.

2. У частцы другой пункта 1 Палажэння аб стыпендыях Прэзідэнта Рэспублікі Беларусь студэнтам дзяржаўных вышэйшых навучальных устаноў і вышэйшых навучальных устаноў спажывецкай кааперацыі, зацверджанага Указам Прэзідэнта Рэспублікі Беларусь ад 29 жніўня 1996 г. нумар 343 "Аб заснаванні стыпендый Прэзідэнта Рэспублікі Беларусь студэнтам дзяржаўных вышэйшых навучальных устаноў і вышэйшых навучальных устаноў спажывецкай кааперацыі" (Збор указаў Прэзідэнта і пастаноў Кабінета Міністраў Рэспублікі Беларусь, 1996 г., нумар 25, арт. 641; Нацыянальны рэестр прававых актаў Рэспублікі Беларусь, 2004 г., нумар 144, 1/5856; 2005 г., нумар 1, 1/6085), лічбы "200" замяніць лічбамі "300".

3. Гэты Указ уступае ў сілу з дня яго афіцыйнага апублікавання.

Прэзідэнт Рэспублікі Беларусь А.Лукашэнка

Дадатак
да Указа Прэзідэнта
Рэспублікі Беларусь
26.02.2010 № 89

ПЕРАЛІК
асобных спецыяльнасцей (напрамкаў спецыяльнасцей, спецыялізацый), пры навучанні па якіх тым, хто вучыцца па дзённай форме атрымання вышэйшай і сярэдняй  спецыяльнай адукацыі за кошт сродкаў рэспубліканскага бюджэту, памеры вучэбных стыпендый павялічваюцца на 10 працэнтаў

Код спецыяльнасці (напрамку  спецыяльнасці, спецыялізацыі)*	Назва спецыяльнасці (напрамку спецыяльнасці, спецыялізацыі)
1-31 04 01-05	фізіка (ядзерная фізіка і тэхналогіі)
1-31 05 01-01 12	радыяцыйная хімія
1-31 05 01-01 13	радыяхімія
1-36 04 02 04	электронныя сістэмы кантролю і кіравання на атамных электрастанцыях
1-43 01 08	паратурбінныя ўстаноўкі атамных электрастанцый
1-70 07 01, 2-70 02 01 34	будаўніцтва цеплавых і атамных электрастанцый
1-100 01 01	ядзерная і радыяцыйная бяспека

____________________

* Код спецыяльнасці (напрамку спецыяльнасці, спецыялізацыі) названы ў адпаведнасці з Агульнадзяржаўным класіфікатарам Рэспублікі Беларусь ”Спецыяльнасці і  кваліфікацыі“.