Удзельнікам урачыстага сходу
з нагоды 10-й гадавіны падпісання
Дагавора аб стварэнні Саюзнай дзяржавы
Масква

Дарагія беларусы і расіяне! Паважаныя сябры!

Сардэчна віншую вас з 10-й гадавінай падпісання Дагавора аб стварэнні Саюзнай дзяржавы.

Дзесяць гадоў таму адбылася без перабольшання знамянальная падзея, якая стала натуральным увасабленнем імкнення беларусаў і расіян да яднання, заснаванага на непарыўных гістарычных вузах, духоўнай і культурнай супольнасці, цесных эканамічных сувязях.

Дагавор аб стварэнні Саюзнай дзяржавы адкрыў новую старонку ў развіцці беларуска-расійскіх адносін, даў магчымасць захаваць і ўмацаваць нашу шматвяковую каштоўнасць - дружбу двух брацкіх народаў.

За мінулы перыяд ажыццёўлены многія палажэнні Дагавора. Мы сумесна ўмацоўваем абараназдольнасць і бяспеку Саюзнай дзяржавы, з адзіных пазіцый выступаем на міжнароднай арэне. Дасягнуты высокі ўзровень узаемавыгаднай прамысловай і навукова-тэхнічнай кааперацыі, склаліся ўстойлівыя рэгіянальныя сувязі.

І наша галоўнае дасягненне - роўнасць грамадзян Беларусі і Расіі ў праве на працу, пенсіённае і медыцынскае забеспячэнне, выбар месца жыхарства, атрыманне адукацыі.

Трэба яшчэ больш актыўна працаваць над фарміраваннем спрыяльных і роўных эканамічных умоў для суб'ектаў гаспадарання абедзвюх краін, стварэннем надзейнай сістэмы сацыяльнай абароны насельніцтва Беларусі і Расіі, гарманізацыяй нацыянальных заканадаўстваў.

Наша задача - максімальна пашырыць гарызонты ўсебаковага супрацоўніцтва і рэалізаваць усе палажэнні Дагавора аб стварэнні Саюзнай дзяржавы на карысць народаў Беларусі і Расіі.

Са святам, дарагія сябры!

Здароўя вам, шчасця, міру і працвітання.

Старшыня Вышэйшага Дзяржаўнага Савета Саюзнай дзяржавы,
Прэзідэнт Рэспублікі Беларусь Аляксандр Лукашэнка