Дарагія жанчыны!

Прыміце мае самыя сардэчныя віншаванні з Днём маці.

У гэты дзень нас перапаўняюць пачуцці вялікай удзячнасці да самых родных людзей на Зямлі - маці. Вашы самаахвярная любоў і адданасць акружаюць чалавека з першых імгненняў з'яўлення на свет, служаць надзейнай апорай у складаных сітуацыях, усяляюць веру ў свае сілы, дапамагаюць дабівацца поспехаў і перамог.

Сёння цудоўная нагода выказаць вам словы шчырага захаплення і ўдзячнасці за дзіўнае ўменне спалучаць прафесійную дзейнасць з выкананнем свайго галоўнага прызначэння - быць захавальніцамі хатняга ачага, традыцыйных маральных каштоўнасцей і ўстояў, нараджаць і выхоўваць сыноў і дачок. Папрасіць прабачэння за тое, што не заўсёды ўважлівыя да вас.

Дарагія маці, дзяржава высока цэніць вашу нястомную, штодзённую працу. Пытанні аховы мацярынства і дзяцінства, усебаковай падтрымкі маладых і шматдзетных сем'яў з'яўляюцца важнымі напрамкамі сацыяльнай палітыкі ў нашай краіне.

Няхай вашы дзеці растуць разумнымі, моцнымі і таленавітымі, спраўджваюць бацькоўскія надзеі, дораць клопат і саграваюць душэўнай цеплынёй.

Моцнага вам здароўя, згоды, дабрабыту і дастатку ў доме, шчасця і любові.

Аляксандр Лукашэнка