Дарагія суайчыннікі! Паважаныя ветэраны, салдаты і афіцэры!

Сардэчна віншую вас з Днём абаронцаў Айчыны і Узброеных Сіл Рэспублікі Беларусь.

На працягу стагоддзяў нашаму народу не раз даводзілася са зброяй у руках адстойваць незалежнасць Радзімы. Найвялікшым прыкладам мужнасці і стойкасці з'яўляецца гераічная барацьба за вызваленне Беларусі ад фашысцкіх акупантаў, 65-я гадавіна якога адзначаецца ў гэтым годзе.

Мы - мірныя людзі, і для нас няма большай радасці, чым спакойна жыць і працаваць на роднай зямлі. Наша краіна ніколі не была і не будзе агрэсарам, крыніцай зла і насілля. Але мы нікому не дазволім пасягаць на стабільнасць і дастатак у агульным беларускім доме. Прэстыж воінскай службы і глыбокая павага да абаронцаў Айчыны - важнейшы прынцып дзяржаўнай палітыкі.

Сёння, у дзень усенароднага свята, мы ўдзячныя ветэранам Вялікай Айчыннай вайны і Узброеных Сіл усіх пакаленняў. Ушаноўваем ваеннаслужачых сучаснай арміі, высокі прафесіяналізм і выдатная баявая падрыхтоўка якіх складаюць надзейны шчыт Радзімы.

Няхай вашы доблесць і адвага будуць арыенцірам для будучых салдат і афіцэраў - сапраўдных абаронцаў нашых маці, жонак і дзяцей.

Няхай Узброеныя Сілы заўсёды застаюцца цвёрдым гарантам чыстага неба і тэрытарыяльнай цэласнасці Рэспублікі Беларусь.

Ад усёй душы жадаю вам моцнага здароўя, поспехаў, шчасця, дабрабыту і дабра.

Аляксандр Лукашэнка