Аб патанненні будаўніцтва гаражоў і аўтамабільных стаянак

У мэтах стварэння спрыяльных умоў для актывізацыі будаўніцтва гаражоў і аўтамабільных стаянак:

1. Устанавіць, што ад абкладання на дабаўленую вартасць вызваляюцца абароты па рэалізацыі новапабудаваных на тэрыторыі Рэспублікі Беларусь гаражоў і аўтамабільных стаянак (долей у праве ўласнасці на аўтамабільную стаянку) забудоўшчыкам, гаражным кааператывам, кааператывам, які ажыццяўляе эксплуатацыю аўтамабільных стаянак.

2. Унесці дапаўненні і змяненні ў наступныя ўказы Прэзідэнта Рэспублікі Беларусь:

2.1. абзац другі падпункта 1.3 пункта 1 Указа Прэзідэнта Рэспублікі Беларусь ад 4 жніўня 2006 г. № 499 ”Аб некаторых мерах па аднаўленні асноўных сродкаў у будаўнічай галіне“ (Нацыянальны рэестр прававых актаў Рэспублікі Беларусь, 2006 г., № 127, 1/7828; 2008 г., № 1, 1/9242) дапоўніць словамі ”, будаўніцтва гаражоў і аўтамабільных стаянак“;

2.2. ва Указе Прэзідэнта Рэспублікі Беларусь ад 26 сакавіка 2007 г. № 138 ”Аб некаторых пытаннях абкладання падаткам на дабаўленую вартасць“ (Нацыянальны рэестр прававых актаў Рэспублікі Беларусь, 2007 г., № 79, 1/8436):

2.2.1. прэамбулу дапоўніць словамі ”, гаражоў і аўтамабільных стаянак“;

2.2.2. абзац другі пункта 1 пасля слоў ”жыллёвага фонду**“ дапоўніць словамі ”, гаражоў і аўтамабільных стаянак“;

2.2.3. у дадатку 1 да гэтага Указа:

назву пасля слоў ”жыллёвага фонду,“ дапоўніць словамі ”гаражоў і аўтамабільных стаянак“;

пункт 7 пасля слоў ”жыллёвага фонду“ дапоўніць словамі ”, гаражоў, аўтамабільных стаянак“;

у пункце 10 словы ”існуючага жыллёвага фонду“ замяніць словамі ”існуючых жыллёвага фонду, гаражоў і аўтамабільных стаянак“;

пункт 13 дапоўніць словамі ”, гаражоў і аўтамабільных стаянак“;

2.3. у пункце 6 Указа Прэзідэнта Рэспублікі Беларусь ад 27 снежня 2007 г. № 667 ”Аб адабранні і прадастаўленні зямельных участкаў“ (Нацыянальны рэестр прававых актаў Рэспублікі Беларусь, 2008 г., № 6, 1/9264; 2009 г., № 41, 1/10450):

2.3.1. у частцы першай:

абзац девяты выключыць;

абзацы дзесяты – дваццаць першы лічыць адпаведна абзацамі дзевятым – дваццатым;

2.3.2. у частцы чацвёртай словы ”дзесятым – трынаццатым“, ”дзевятым, чатырнаццатым – дваццатым“, ”пятнаццатым“, ”дваццаць першым“ замяніць адпаведна словамі ”дзевятым – дванаццатым“, ”трынаццатым – дзевятнаццатым“, ”чатырнаццатым“, ”дваццатым“;

2.3.3. у частцы пятай словы ”другім – восьмым, адзінаццатым – чатырнаццатым“ замяніць словамі ”другім – сёмым, дзевятым – дванаццатым“;

2.3.4. частку дзевятую пасля слоў ”(за выключэннем жылых дамоў павышанай камфортнасці*)“ дапоўніць словамі ”, гаражоў і аўтамабільных стаянак“.

3. Савету Міністраў Рэспублікі Беларусь забяспечыць прывядзенне нарматыўных прававых актаў у адпаведнасць з гэтым Указам і прыняць іншыя меры па яго рэалізацыі.

4. Гэты Указ уступае ў сілу з першага чысла месяца, наступнага за месяцам яго афіцыйнага апублікавання, за выключэннем пункта 3, які ўступае ў сілу з дня афіцыйнага апублікавання гэтага Указа.

Прэзідэнт Рэспублікі Беларусь А.Лукашэнка