Кіраўніцтву, асабоваму складу,
ветэранам мытнай службы
Рэспублікі Беларусь

Паважаныя супрацоўнікі і ветэраны мытнай службы!

Прыміце шчырыя віншаванні з прафесійным святам - Днём мытніка.

За гады незалежнасці ў Рэспубліцы Беларусь сфарміравана сучасная мытная служба. Створаны неабходная заканадаўчая база, належная інфраструктура, укаранёны перадавыя метады кантролю.

Сёння мытныя органы займаюць важнае месца ў рэгуляванні знешнегандлёвай дзейнасці, фарміраванні бюджэту краіны, спыненні трансгранічнай злачыннасці, умацаванні бяспекі дзяржавы і забеспячэнні яе суверэнітэту.

Перакананы, што і ў далейшым вы будзеце дасканала і аператыўна вырашаць адказныя дзяржаўныя задачы па абароне эканамічных інтарэсаў рэспублікі, сумленна служыць Айчыне, сваёй працай садзейнічаючы ўмацаванню яе пазіцый у свеце.

У гэты знамянальны дзень жадаю ўсяму асабоваму складу, ветэранам мытных органаў і членам іх сем'яў моцнага здароўя, шчасця, аптымізму і далейшай плённай дзейнасці на карысць Рэспублікі Беларусь.

Аляксандр Лукашэнка