Прэзідэнт Рэспублікі Беларусь 2 чэрвеня падпісаў Указ № 276 "Аб асобных пытаннях банкаўскай дзейнасці і прызнанні страціўшымі сілу некаторых указаў Прэзідэнта Рэспублікі Беларусь".

Дакумент накіраваны на рэалізацыю паўнамоцтваў Кіраўніка дзяржавы па вызначэнню пераліку банкаў, якія маюць права быць залогатрымальнікамі зямельных участкаў і права арэнды зямельных участкаў, якія з’яўляюцца прадметам адпаведна іпатэкі, залогу.

У мэтах развіцця банкаўскай дзейнасці і сістэмы крэдытавання Указ прадастаўляе такое права ўсім банкам, якія маюць ліцэнзію на ажыццяўленне банкаўскай дзейнасці ў частцы правядзення банкаўскай аперацыі па размяшчэнню прыцягнутых грашовых сродкаў ад свайго імя і за свой кошт на ўмовах зваротнасці, платнасці і тэрміновасці. Пры гэтым Указам не пералічваюцца канкрэтныя банкі, якія маюць права быць залогатрымальнікамі зямельных участкаў і права арэнды зямельных участкаў, а ўстанаўлівецца правіла, згодна з якім гэта права абумоўліваецца толькі наяўнасцю адпаведнага спецыяльнага дазволу (ліцэнзіі).