Прэзідэнт Рэспублікі Беларусь 2 чэрвеня падпісаў Указ № 274, якім унесены змяненні ва Указ ад 17 ліпеня 2006 г. № 463 "Аб устанаўленні збору за выдачу дазволаў на праезд аўтамабільных транспартных сродкаў Рэспублікі Беларусь па тэрыторыях замежных дзяржаў".

Памер платы за дазволы на права праезду беларускіх перавозчыкаў пасажыраў і грузаў па тэрыторыі замежных дзяржаў у мэтах павышэння канкурэнтаздольнасці аказваемых імі аўтатранспартных паслуг на знешніх рынках зніжаны ў 1,7 раза.

Прадугледжана таксама спрашчэнне працэдуры выплаты збору за выдачу дазволаў на праезд аўтамабільных транспартных сродкаў Рэспублікі Беларусь па тэрыторыях замежных дзяржаў. Яна можа быць праведзена праз касу банка або касу Транспартнай інспекцыі Мінтранса, размешчаныя ў пунктах пропуску праз Дзяржаўную граніцу Рэспублікі Беларусь.

Гэта рашэнне накіравана на павышэнне транзітнай прывабнасці Беларусі.

Паводле разлікаў Урада, страты бюджэту пры зніжэнні кошту дазволаў кампенсуюцца павышэннем эфектыўнасці работы міжнароднага аўтамабільнага транспарту рэспублікі: аб'ём перавозак павялічыцца на 10 %, узрастуць выручка ад выканання міжнародных аўтаперавозак і адпаведна адлічэнні ў бюджэт у выглядзе падаткаў і збораў.

Указ уступае ў сілу з 1 студзеня 2010 года.