Прэзідэнт Рэспублікі Беларусь Аляксандр Лукашэнка 1 чэрвеня даў інтэрв’ю буйным друкаваным выданням Расіі: газетам ""Известия" і "Завтра", часопісам "Российская Федерация сегодня" і "Союзное государство".

Інтэрв’ю планавалася даўно і праходзіла ў форме гутаркі. Размова Прэзідэнта з галоўнымі рэдактарамі выданняў працягвалася тры з паловай гадзіны.

Аляксандру Лукашэнку было зададзена больш за 20 пытанняў, якія датычаліся ўнутраннага развіцця Беларусі, устойлівасці яе эканомікі, дзеянняў у сучасных крызісных умовах. Расійскія журналісты цікавіліся прычынамі тармажэння ў будаўніцтве Саюзнай дзяржавы. У цэнтры ўвагі была таксама тэматыка адносін Беларусі з краінамі Захаду, удзел у праграме "Усходняе партнёрства". Акрамя таго, шмат гаварылася аб гісторыі саюзнага будаўніцтва.

Кіраўніку беларускай дзяржавы былі зададзены і асабістыя пытанні, што датычацца яго поглядаў на жыццё, бачання ролі лідэра ў кіраванні краінай.