Аб унясенні дапаўнення і змяненняў ва Указ Прэзідэнта Рэспублікі Беларусь ад 7 лютага 2006 г. № 72

У мэтах забеспячэння апераджальнага будаўніцтва аб’ектаў інжынернай, транспартнай і сацыяльнай інфраструктуры для раёнаў жылой забудовы п а с т а н а ў л я ю:

1. Унесці ў частку першую падпункта 1.7 пункта 1 Указа Прэзідэнта Рэспублікі Беларусь ад 7 лютага 2006 г. № 72 "Аб мерах па дзяржаўным рэгуляванні адносін пры размяшчэнні і арганізацыі будаўніцтва жылых дамоў, аб’ектаў інжынернай, транспартнай і сацыяльнай інфраструктуры" (Нацыянальны рэестр прававых актаў Рэспублікі Беларусь, 2006 г., № 24, 1/7249) наступныя дапаўненне і змяненні:

пасля слова "інфраструктуры" дапоўніць частку словамі "для раёнаў жылой забудовы";

слова "дарожных" замяніць словамі "рэспубліканскага дарожнага фонду";

словы "арганізацый, якія ўваходзяць у склад Беларускага дзяржаўнага энергетычнага канцэрна, газазабеспячальных арганізацый, якія ўваходзяць у склад Беларускага канцэрна па паліве і газіфікацыі, арганізацый, падпарадкаваных Міністэрству сувязі і інфарматызацыі, Міністэрству транспарту і камунікацый" замяніць словамі "энергазабеспячальных арганізацый, якія ўваходзяць у склад дзяржаўнага вытворчага аб’яднання электраэнергетыкі "Белэнерга", газазабеспячальных арганізацый, якія ўваходзяць у склад дзяржаўнага вытворчага аб’яднання па паліве і газіфікацыі "Белпалівагаз", арганізацый, падпарадкаваных Міністэрству сувязі і інфарматызацыі, а таксама сродкаў іншых арганізацый незалежна ад формы ўласнасці".

2. Савету Міністраў Рэспублікі Беларусь у двухмесячны тэрмін зацвердзіць палажэнні:

аб парадку фінансавання праектавання, будаўніцтва і рэканструкцыі аб’ектаў інжынернай і транспартнай інфраструктуры для раёнаў жылой забудовы;

аб парадку праектавання і будаўніцтва аб’ектаў у раёнах сядзібнай жылой забудовы;

прыняць іншыя меры па рэалізацыі гэтага Указа.

3. Гэты Указ уступае ў сілу пасля яго афіцыйнага апублікавання.

Прэзідэнт Рэспублікі Беларусь А.Лукашэнка