Аб аказанні матэрыяльнай дапамогі асобным катэгорыям грамадзян у сувязі са святкаваннем 65-й гадавіны вызвалення Рэспублікі Беларусь ад нямецка-фашысцкіх захопнікаў

У сувязі са святкаваннем 65-й гадавіны вызвалення Рэспублікі Беларусь ад нямецка-фашысцкіх захопнікаў п а с т а н а ў л я ю:

1. Аказаць матэрыяльную дапамогу:

1.1. у памеры 300 тыс. рублёў - Героям Савецкага Саюза, асобам, узнагароджаным ордэнамі Славы трох ступеней, Героям Сацыялістычнай Працы, удастоеным гэтага звання за заслугі ў гады Вялікай Айчыннай вайны;

1.2. у памеры 200 тыс. рублёў - інвалідам і ўдзельнікам Вялікай Айчыннай вайны, асобам, якія прымалі ўдзел у складзе спецыяльных фарміраванняў у размініраванні тэрыторый і аб'ектаў пасля вызвалення ад нямецкай акупацыі ў 1943 - 1945 гадах;

1.3. у памеры 150 тыс. рублёў:

асобам, узнагароджаным ордэнамі або медалямі СССР за самаадданую працу і бездакорную воінскую службу ў тыле ў гады Вялікай Айчыннай вайны;

асобам, якія працавалі на аб'ектах проціпаветранай абароны, мясцовай проціпаветранай абароны, на будаўніцтве абаронных збудаванняў, марскіх баз, аэрадромаў і іншых ваенных аб'ектаў у межах тылавых граніц дзеючых франтоў, на прыфрантавых участках чыгунак і аўтамабільных дарог; членам экіпажаў суднаў транспартнага флоту, інтэрніраваных у пачатку Вялікай Айчыннай вайны ў партах іншых дзяржаў;

асобам, якія працавалі на прадпрыемствах, ва ўстановах і арганізацыях горада Ленінграда ў перыяд блакады з 8 верасня 1941 г. па 27 студзеня 1944 г. і ўзнагароджаным медалём "За абарону Ленінграда", і асобам, узнагароджаным знакам "Жыхару блакаднага Ленінграда";

бацькам, дзецям - інвалідам з дзяцінства і не ўзяўшым новы шлюб жонкам (мужам) ваеннаслужачых, партызан і падпольшчыкаў, якія загінулі або прапалі без вестак у час баявых дзеянняў у гады Вялікай Айчыннай вайны;

інвалідам з дзяцінства з прычыны ранення, кантузіі і калецтва, звязаных з баявымі дзеяннямі ў перыяд Вялікай Айчыннай вайны або з іх наступствамі.

2. Міністэрству фінансаў забяспечыць фінансаванне расходаў на аказанне матэрыяльнай дапамогі асобам, названым у пункце 1 гэтага Указа, за кошт сродкаў рэспубліканскага бюджэту.

3. Міністэрству працы і сацыяльнай абароны, Міністэрству абароны, Міністэрству ўнутраных спраў, Камітэту дзяржаўнай бяспекі забяспечыць выплату з 1 чэрвеня да 1 ліпеня 2009 г. грашовых сродкаў асобам у адпаведнасці з пунктам 1 гэтага Указа ў парадку, устаноўленым для выплаты пенсій.

Прэзідэнт Рэспублікі Беларусь А.Лукашэнка