Паважаныя суайчыннікі!

Сардэчна віншую вас са Святам працы.

Дзень Першамая даўно ўвайшоў у наша жыццё, сімвалізуючы радасць творчасці і стварэння.

Беларуская зямля заўсёды славілася таленавітымі і адказнымі людзьмі. Сучаснае пакаленне дастойна прадаўжае слаўныя традыцыі сваіх продкаў.

Асновай матэрыяльных даброт і духоўнага багацця для кожнага чалавека была і застаецца плённая праца, якая з'яўляецца рухаючай сілай прагрэсу цывілізацыі. І сёння ад эфектыўнасці работы і самааддачы кожнага з нас залежыць будучае дзяцей і ўнукаў.

Сумесна мы пераадолеем усе перашкоды і дасягнём новых поспехаў у развіцці эканомікі і сацыяльнай сферы, зробім яшчэ больш цудоўным наш агульны дом - родную Беларусь.

Жадаю вам міру, шчасця, моцнага здароўя і дабрабыту.

Аляксандр Лукашэнка