Яго Высокапраасвяшчэнству Кірылу
нававыбранаму Патрыярху Маскоўскаму і ўсяе Русі

Ваша Высокапраасвяшчэнства,

Сардэчна віншую Вас з выбраннем Патрыярхам Маскоўскім і ўсяе Русі.

Вы з'яўляецеся адным з самых паважаных царкоўных іерархаў, на працягу многіх гадоў уносіце вялікі ўклад у справу адраджэння Праваслаўя і ўзмацнення яго міжнароднага ўплыву. Ваша нястомная праца садзейнічае захаванню міжканфесіянальнай згоды ў грамадстве, умацаванню яго маральных асноў.

У Беларусі Вас добра ведаюць і цэняць як аўтарытэтнага пастыра і рэлігійнага дзеяча. Спадзяюся, што цесныя і добрыя адносіны, якія склаліся паміж нашымі народамі, яшчэ больш умацуюцца ў гады Вашага першасвяціцельства.

Выказваю ўпэўненасць, што і на гэтай адказнай пасадзе Вы будзеце адстойваць адзінства праваслаўнай царквы, прапаведуючы хрысціянскія ідэалы ўзаемапавагі, верацярпімасці і міласэрнасці.

Ад усёй душы жадаю Вам, Ваша Высокапраасвяшчэнства, моцнага здароўя, мудрасці і дапамогі Божай у мнагацяжкім Патрыяршым служэнні.

З павагай,

Аляксандр Лукашэнка