Дарагія сябры!

Ад усёй душы віншую вас са знамянальным юбілеем - 80-годдзем з дня заснавання Нацыянальнай акадэміі навук Беларусі.

Разам з краінай ваша старэйшая навуковая ўстанова прайшла вялікі і слаўны шлях. За гады сваёй гісторыі акадэмія ператварылася ў буйны інтэлектуальны і гуманітарны цэнтр, унесла вялікі ўклад у развіццё айчыннай эканомікі, навукі і культуры. У яе сценах сфарміравалася плеяда выдатных вучоных, якія праславілі Беларусь.

Сёння акадэмія займае лідзіруючыя пазіцыі на многіх прыярытэтных напрамках даследаванняў, пашырае сувязь навукі з вытворчасцю. Мы па праву ганарымся дасягненнямі беларускіх вучоных, цэнім іх прафесіяналізм, творчую энергію і адданасць свайму прызванню.

Няхай ваш цудоўны калектыў і ў далейшым працуе з такім жа натхненнем і самааддачай, садзейнічаючы ўмацаванню Беларусі ў сусветнай супольнасці і прымнажэнню духоўных багаццяў нашага народа.

Жадаю вам моцнага здароўя, новых навуковых дасягненняў і яркіх адкрыццяў, шчасця і поспехаў у працы на карысць Айчыны.

Аляксандр Лукашэнка