Кіраўнік дзяржавы Аляксандр Лукашэнка павіншаваў Прэзідэнта Аб’яднаных Арабскіх Эміратаў шэйха Халіфу бен Заіда аль-Нахаяна, наследнага прынца Абу-Дабі, намесніка Вярхоўнага Галоўнакамандуючага Узброенымі Сіламі ААЭ шэйха Мухамеда бен Заіда аль-Нахаяна, Віцэ-прэзідэнта і Прэм’ер-міністра ААЭ, правіцеля Дубая шэйха Мухамеда бен Рашыда аль-Мактума з нацыянальным святам - Днём утварэння федэрацыі.

Аляксандр Лукашэнка з задавальненнем адзначыў, што адносіны дружбы і даверу паміж дзвюма краінамі з’яўляюцца надзейнай асновай узаемавыгаднага супрацоўніцтва на доўгатэрміновую перспектыву.

«Перакананы, што дзякуючы нашым сумесным намаганням двухбаковыя сувязі будуць і ў далейшым развівацца на карысць народаў Беларусі і Аб’яднаных Арабскіх Эміратаў», - падкрэсліў Прэзідэнт.