Паважаныя працаўнікі аграпрамысловага комплексу!

Сардэчна віншую вас з прафесійным святам - Днём работнікаў сельскай гаспадаркі і перапрацоўчай прамысловасці.

У бягучым годзе земляробамі рэспублікі сабраны рэкордны ўраджай збожжа і рапсу, добры ўраджай лёну, цукровых буракоў, агародніны, створана трывалая кармавая база. Устойліва павялічваецца вытворчасць прадукцыі жывёлагадоўлі, стабільна развіваецца перапрацоўчая прамысловасць. Надзейна гарантавана харчовая бяспека краіны, нарошчваецца экспарт беларускіх прадуктаў харчавання. І дабіліся вы гэтых дасягненняў у перыяд сусветнага харчовага і фінансавага крызісу.

У аснове высокіх вынікаў ляжыць сапраўды самаадданая праца ўсіх работнікаў і ветэранаў сельскагаспадарчай вытворчасці, перапрацоўчых і абслуговых арганізацый, вучоных-аграрыяў.

Выказваю вам вялікую ўдзячнасць за адданасць сваёй справе, клапатлівае і беражлівае вядзенне работ на роднай зямлі, за важкі ўклад ва ўмацаванне эканомікі і незалежнасці нашай дзяржавы.

Упэўнены, што і ў далейшым вы будзеце прымнажаць дасягнутае, працаваць з поўнай аддачай.

Жадаю вам і вашым сем'ям добрага здароўя, шчасця, новых працоўных перамог у імя любімай Радзімы.

Аляксандр Лукашэнка

16 лістапада 2008 г.