Прэзідэнт Рэспублікі Беларусь адзначыў дзяржаўнымі ўзнагародамі дэпутатаў Палаты прадстаўнікоў Нацыянальнага сходу трэцяга склікання за плённую дзяржаўную і грамадскую дзейнасць, іх значны ўклад у развіццё заканадаўства і парламентарызму. Адпаведны Указ Аляксандр Лукашэнка падпісаў 10 лістапада.

Ордэна Пашаны ўдастоены Анатоль Салаўёў і Марыя Худая. Медалём "За працоўныя заслугі" ўзнагароджаны Святлана Гіль, Сяргей Забалоцец, Галіна Мазуркевіч, Уладзімір Малец і Пётр Саламуха.

Віктару Герасімаву прысвоена ганаровае званне заслужанага работніка прамысловасці Беларусі.

За шматгадовую плённую работу, заслугі ў развіцці заканадаўства і парламентарызму медалём "За працоўныя заслугі" ўзнагароджаны загадчык аддзела па забеспячэнню дзейнасці Пастаяннай камісіі па дзяржаўнаму будаўніцтву, мясцоваму самакіраванню і рэгламенту Палаты прадстаўнікоў Нацыянальнага сходу Валерый Собалеў.