Аб унясенні змянення ў Палажэнне  аб афіцыйным апублікаванні і ўступленні ў сілу прававых актаў Рэспублікі Беларусь

У адпаведнасці з часткай трэцяй артыкула 101 Канстытуцыі Рэспублікі Беларусь пастанаўляю:

1. Пункт 13 Палажэння аб афіцыйным апублікаванні і ўступленні ў сілу правых актаў Рэспублікі Беларусь, зацверджанага Дэкрэтам Прэзідэнта Рэспублікі Беларусь ад 10 снежня 1998 г. нумар 22 (Збор дэкрэтаў, указаў Прэзідэнта і пастаноў Урада Рэспублікі Беларусь, 1998 г., нумар 35, арт. 888; Нацыянальны рэестр прававых актаў Рэспублікі Беларусь, 2006 г., нумар 86, 1/7598), выкласці ў наступнай рэдакцыі:

"13. Нарматыўныя прававыя акты, якія датычацца правоў, свабод і абавязкаў грамадзян, уступаюць у сілу толькі пасля іх афіцыйнага апублікавання. Нарматыўныя прававыя акты, якія датычацца правоў, свабод і абавязкаў індывідуальных прадпрымальнікаў і юрыдычных асоб, уступаюць у сілу пасля іх афіцыйнага апублікавання, калі іншае не прадугледжана заканадаўчымі актамі Рэспублікі Беларусь. Пры гэтым нарматыўныя прававыя акты публікуюцца пасля ўключэння іх у Нацыянальны рэестр прававых актаў Рэспублікі Беларусь, калі іншае не прадугледжана гэтым Палажэннем.".

2. Гэты Дэкрэт уступае ў сілу пасля яго афіцыйнага апублікавання, з'яўляецца часовым і ў адпаведнасці з часткай трэцяй артыкула 101 Канстытуцыі Рэспублікі Беларусь прадстаўляецца на разгляд Нацыянальнага сходу Рэспублікі Беларусь.

Прэзідэнт Рэспублікі Беларусь А.Лукашэнка