Навучэнцам, студэнтам, аспірантам,

настаўнікам, навукова-педагагічным

работнікам

Дарагія сябры!

Сардэчна віншую вас з Днём ведаў.

Гэта свята адкрывае шлях у цудоўны свет, які дорыць радасць пазнання і бескарыслівага сяброўства.

Беларусь па праву ганарыцца нацыянальнай сістэмай адукацыі, якая дае фундаментальныя веды, гарантуе высокую якасць агульнанавуковай і прафесійнай падрыхтоўкі, выхоўвае дастойных грамадзян сваёй Айчыны.

У абноўленай адзінаццацігадовай школе будуць створаны роўныя ўмовы для навучання і выхавання ўсіх дзяцей, свабоднай рэалізацыі іх здольнасцей і паўнацэннага фізічнага развіцця.

Дзяржава прыме самыя дзейсныя меры для павышэння прэстыжу прафесійна-тэхнічнай і сярэдняй спецыяльнай адукацыі, умацавання сувязі вышэйшай школы з навукай і вытворчасцю.

Дарагія навучэнцы і студэнты! Настойліва авалодвайце ведамі, старайцеся мысліць творча, самастойна вырашаць самыя складаныя задачы і дасягаць намечанай мэты.

Паважаныя настаўнікі і выкладчыкі! Няхай вам заўсёды спадарожнічае поспех у высакародным служэнні ідэалам мудрасці, асветы і дабра.

Жадаю ўсім навучэнцам, студэнтам, аспірантам і педагогам моцнага здароўя, новых дасягненняў у вучобе і працы, шчасця і дабрабыту. Наперад, у краіну Ведаў!

Аляксандр Лукашэнка