Удзельнікам Гульняў XXIX Алімпіяды ў г.Пекіне (Кітай)

Дарагія сябры!

Алімпійскія гульні - галоўная падзея ў спартыўным жыцці планеты.

Восьмы раз у іх будзе ўдзельнічаць нацыянальная каманда нашай маладой суверэннай дзяржавы. Папярэднія выступленні беларускіх алімпійцаў былі паспяховыя: 56 спартсменаў сталі прызёрамі Гульняў, заваяваўшы 53 алімпійскія медалі. Гэта - добры паказчык.

Упэўнены, што на Гульнях у Пекіне вы зможаце дасягнуць высокіх вынікаў і папоўніце скарбонку алімпійскіх узнагарод. Прадоўжыце славу легендарных беларускіх спартсменаў і ўпішаце новыя яркія старонкі ў летапіс міжнароднага алімпійскага руху. Падтрымаеце прэстыж айчыннага спорту, замацаваўшы Беларусь у ліку мацнейшых спартыўных дзяржаў свету.

Перамога на алімпійскіх арэнах - гэта лепшая візітная картка краіны і прадмет асаблівага гонару для ўсіх беларусаў.

Дзяржава ўдзяляе вялікую ўвагу развіццю спорту. Будуюцца выдатныя сучасныя спартыўныя аб'екты. Занятак спортам становіцца ўсё больш папулярным у моладзі. І тое, што гэты год аб'яўлены Годам здароўя, таксама сведчыць аб яго значнай ролі ў нашым грамадстве.

Вам, паважаныя алімпійцы, аказаны гонар прадстаўляць рэспубліку на Гульнях XXIX Алімпіяды ў Пекіне. Гэта ганарова і адказна.

Мы верым у вас. І спадзяёмся, што мэтанакіраванасць, упартасць, працавітасць, сіла волі і майстэрства дапамогуць вам дасягнуць вяршыні Алімпа.

Жадаю моцнага здароўя, бадзёрасці і ўпэўненасці ў перамозе.

Удачы вам!

А.Лукашэнка