Воінам-інтэрнацыяналістам,
ветэранам вайны ў Афганістане

Паважаныя таварышы!

Дваццаць гадоў таму завяршылася ваенная аперацыя абмежаванага кантынгенту савецкіх войскаў у Афганістане.

Ва ўмовах смяротнай небяспекі сыны нашай Радзімы мужна і стойка выконвалі баявыя задачы, імкнучыся прынесці на афганскую зямлю мір і спакой. Горка, што не была дасягнута галоўная мэта - нармалізацыя абстаноўкі і палітычнае ўрэгуляванне сітуацыі ў гэтай змучанай шматгадовымі разладамі краіне. Непрымірымыя супярэчнасці захоўваюцца там і цяпер.

Ад вайны пацярпелі тысячы беларускіх сем'яў. Мы падзяляем боль маці і ўдоў, схіляемся перад светлай памяццю загінуўшых герояў, якія выконвалі свой інтэрнацыянальны абавязак.

Сёння ўдзельнікі баявых дзеянняў у гарачых пунктах планеты актыўна працуюць, вядуць высакародную работу па патрыятычнаму выхаванню моладзі. Гэта дзейнасць прыносіць вялікую карысць грамадству і дзяржаве, якая аказвае ўсямерную падтрымку ветэранам, якія страцілі здароўе або апынуліся ў складаных жыццёвых абставінах.

Жадаю вам, дарагія воіны-інтэрнацыяналісты, вашым родным і блізкім моцнага здароўя, шчасця, міру і аптымізму. Дзякую за мужнасць і адказную грамадзянскую пазіцыю.

15 лютага 2009 года

Аляксандр Лукашэнка