Дарагія беларусы і расіяне!

Сардэчна віншую вас з Днём яднання народаў Беларусі і Расіі.

Дванаццаць гадоў таму мы ўзялі курс на глыбокую і ўсебаковую інтэграцыю, заснаваную на імкненні быць разам, жыць і дзейнічаць супольна. Час пацвярджае правільнасць выбранага шляху: сёння беларуска-расійскія адносіны дынамічна развіваюцца па ўсіх напрамках. Значныя поспехі дасягнуты ў эканамічнай сферы - у мінулым годзе двухбаковы тавараабарот перасягнуў рубеж 26 мільярдаў долараў ЗША. Пашыраюцца міжрэгіянальныя кантакты, ствараюцца новыя высокаэфектыўныя вытворчасці.

Усё больш важным інструментам практычнага вырашэння многіх сацыяльна-эканамічных праблем становіцца рэалізацыя саюзных праграм, якія ахопліваюць увесь дыяпазон супрацоўніцтва, ад адзіных крокаў у ваенна-тэхнічным напрамку да гуманітарных сувязей. Выбудавана эфектыўная схема знешнепалітычнага ўзаемадзеяння, умацоўваецца сумесны абаронны патэнцыял.

Вынікі апошняга пасяджэння Вышэйшага Дзяржаўнага Савета Саюзнай дзяржавы і нядаўна праведзеныя перагаворы прадэманстравалі гатоўнасць дзвюх дзяржаў да пошуку ўзаемапрымальных рашэнняў па любых пытаннях. Пацвердзілі зацікаўленасць у далейшым росце дабрабыту грамадзян Беларусі і Расіі, забеспячэнні іх бяспекі, стварэнні неабходных умоў для паспяховага развіцця нашых краін.

Існуючы даверны і раўнапраўны дыялог паміж кіраўнікамі з'яўляецца вызначальным фактарам пры выпрацоўцы ўзгодненых належных адказаў на новыя выклікі сучаснасці.

У сваю чаргу аднадушны выбар расійскага грамадства, што выказалася за пераемнасць праводзімага ў Расіі палітычнага і эканамічнага курсу, дае магчымасць з упэўненасцю прадоўжыць фарміраванне паўнацэннага Саюза, які ўлічвае ўзаемныя інтарэсы.

Дарагія сябры!

У гэты светлы дзень дазвольце ад усёй душы пажадаць вам шчасця, моцнага здароўя і аптымізму.

Няхай агульнае свята - Дзень яднання народаў Беларусі і Расіі - заўсёды будзе сімвалам нашай дружбы і духоўнай роднасці, сімвалам дабрабыту многіх пакаленняў беларусаў і расіян.

Аляксандр Лукашэнка