Удзельнікам XX Міжнароднага фестывалю класічнай музыкі "Студзеньскія музычныя вечары"

Дарагія сябры!

Сардэчна вітаю вас з нагоды адкрыцця XX Міжнароднага фестывалю класічнай музыкі " Студзеньскія музычныя вечары ".

Гэта цудоўная культурная акцыя, што зарадзілася на брэсцкай зямлі, выконвае важную місію выхавання людзей на лепшых узорах сусветнага мастацтва, садзейнічае ўмацаванню дружбы паміж народамі.

Доўгі і паспяховы лёс "Студзеньскіх музычных вечароў" – сведчанне таго, што цікавасць нашых грамадзян да музычнай класікі з году ў год узрастае, а сам творчы форум карыстаецца заслужаным аўтарытэтам і прызнаннем у Беларусі і за мяжой.

За мінулыя гады на сцэнічных пляцоўках Брэста выступіла нямала праслаўленых артыстаў, з’явілася цэлае сузор’е маладых талентаў. На юбілейны фестываль прыехалі вядомыя выканаўцы з розных краін свету, каб чаргоры раз парадаваць слухачоў сваім талентам і віртуозным майстэрствам.

Упэўнены, што гэта цудоўнае свята прадоўжыць добрыя фестывальныя традыцыі, стане магутным стымулам для ўмацавання духоўных асноў нашага грамадства і развіцця міжнароднага супрацоўніцтва.

Жадаю вам моцнага здароўя, натхнення, удачы ва ўсіх справах, шчасця і цудоўнага настрою.