З землекарыстальнікаў у Мінску зямельны падатак і арэндная плата будзе спаганяцца ў працэнтах ад кадастравага кошту зямельных участкаў. Такая норма змяшчаецца ва Указе Прэзідэнта Рэспублікі Беларусь № 365 ад 7 ліпеня "Аб спагнанні плацяжоў за зямлю ў г.Мінску".

У адпаведнасці з указам, стаўкі зямельнага падатку і базавыя стаўкі штогадовай арэнднай платы будуць вызначацца ў наступных памерах:

0,015 працэнта ад кадастравага кошту - за зямельныя ўчасткі для размяшчэння аб'ектаў шматкватэрнай жылой забудовы;

0,05 працэнта ад кадастравага кошту - за зямельныя ўчасткі для размяшчэння аб'ектаў сядзібнай жылой забудовы, аўтастаянак і гаражоў, вядзення калектыўнага садоўніцтва і агародніцтва;

0,36 ад кадастравага кошту - за зямельныя ўчасткі для размяшчэння аб'ектаў грамадска-дзелавой забудовы (аб'екты адміністрацыйнага і фінансавага прызначэння, рознічнага гандлю, гасцінічнага прызначэння, грамадскага харчавання, аховы здароўя і па прадастаўленню сацыяльных паслуг, адукацыі і выхавання, навуковага прызначэння і навуковага абслугоўвання, фізкультурна-аздараўленчага і спартыўнага прызначэння, культурна-асветнага і відовішчнага прызначэння, бытавога абслугоўвання насельніцтва, па аказанню пасрэдніцкіх і турыстычных паслуг);

1 працэнт ад кадастравага кошту - за зямельныя ўчасткі для размяшчэння аб'ектаў прамысловай забудовы (аб'екты прамысловасці, транспарту, сувязі, энергетыкі, аптовага гандлю, матэрыяльна-тэхнічнага і харчовага забеспячэння, нарыхтовак і збыту прадукцыі, камунальнай гаспадаркі, па рамонту і абслугоўванню аўтамабіляў);

3 працэнты ад кадастравага кошту - за зямельныя ўчасткі для размяшчэння аўтамабільных заправачных і газанапаўняльных станцый.

Указ уступае ў сілу з 1 ліпеня 2008 года.