Аб устанаўленні памераў сацыяльных пенсій

У адпаведнасці з часткай трэцяй артыкула 101 Канстытуцыі Рэспублікі Беларусь:

1. Устанавіць, што:

1.1. сацыяльныя пенсіі, назначаныя ў адпаведнасці з Законам Рэспублікі Беларусь ад 17 красавіка 1992 года "Аб пенсіённым забеспячэнні" (Ведамасцi Вярхоўнага Савета Рэспублікi Беларусь, 1992 г., нумар 17, арт.275), вылічваюцца з найбольшай велічыні зацверджанага Урадам Рэспублікі Беларусь бюджэту пражытачнага мінімуму ў сярэднім на душу насельніцтва за два апошнія кварталы ў наступных памерах:

інвалідам I групы, у тым ліку інвалідам з дзяцінства, - 85 працэнтаў;

інвалідам з дзяцінства II групы - 75 працэнтаў;

інвалідам II групы (акрамя інвалідаў з дзяцінства), дзецям у выпадку страты карміцеля (пункт "а" часткі трэцяй і частка чацвёртая артыкула 35 Закона Рэспублікі Беларусь "Аб пенсіённым забеспячэнні") на кожнае дзіця - 65 працэнтаў;

інвалідам III групы - 55 працэнтаў;

асобам, якія дасягнулі ўзросту: мужчыны - 60 гадоў, жанчыны - 55 гадоў, -50 працэнтаў;

дзецям-інвалідам ва ўзросце да 18 гадоў пры ступені страты здароўя: першай - 60 працэнтаў, другой - 65 працэнтаў, трэцяй - 75 працэнтаў, чацвёртай - 85 працэнтаў;

1.2. да сацыяльных пенсій інвалідам I групы, у тым ліку інвалідам з дзяцінства , вылічаным у памерах, прадугледжаных падпунктам 1.1 гэтага пункта, надбаўка на догляд у адпаведнасці з артыкулам 74 Закона Рэспублікі Беларусь "Аб пенсіённым забеспячэнні" не ўстанаўліваецца.

2. Прызнаць страціўшымі сілу:

Указ Прэзідэнта Рэспублікі Беларусь ад 28 кастрычніка 2005 г. нумар 510 "Аб матэрыяльнай падтрымцы асоб, якія атрымліваюць сацыяльныя пенсіі" (Нацыянальны рэестр прававых актаў Рэспублікі Беларусь, 2005 г., нумар 173, 1/6902);

пункт 2 Указа Прэзідэнта Рэспублікі Беларусь ад 19 красавіка 2007 г. нумар 185 "Аб унясенні змяненняў і дапаўнення ва ўказы Прэзідэнта Рэспублікі Беларусь ад 5 сакавіка 2005 г. нумар 117 і ад 28 кастрычніка 2005 г. нумар 510" (Нацыянальны рэестр прававых актаў Рэспублікі Беларусь, 2007 г., нумар 96, 1/8519).

3. Савету Міністраў Рэспублікі Беларусь у трохмесячны тэрмін забяспечыць прывядзенне актаў заканадаўства ў адпаведнасць з гэтым Дэкрэтам і прыняць іншыя меры па яго рэалізацыі.

4. Гэты Дэкрэт уступае ў сілу з першага чысла месяца, наступнага за месяцам яго афіцыйнага апублікавання, з’яўляецца часовым і ў адпаведнасці з часткай трэцяй артыкула 101 Канстытуцыі Рэспублікі Беларусь прадстаўляецца на разгляд Нацыянальнага сходу Рэспублікі Беларусь.

Прэзідэнт Рэспублікі Беларусь А.Лукашэнка