Паважаныя ўрачы, правізары, фельчары, медыцынскія сёстры, фармацэўты, усе работнікі сістэмы аховы здароўя!

Па шматгадовай традыцыі кожную трэцюю нядзелю чэрвеня наша краіна адзначае Дзень медыцынскіх работнікаў.

2008 год аб'яўлены ў Беларусі Годам здароўя, і першачарговая задача дзяржавы і грамадства - вырашэнне ўсяго комплексу праблем па ўмацаванню здароўя беларускага народа, каб здаровы лад жыцця стаў натуральнай патрэбнасцю кожнага чалавека, своеасаблівай нацыянальнай ідэяй.

Развіццё аховы здароўя было, ёсць і будзе важнейшым прыярытэтам дзяржаўнай палітыкі, накіраванай на тое, каб якасная першасная і высокатэхналагічная медыцынская дапамога была даступная кожнаму грамадзяніну Беларусі незалежна, жыве ён у сталічным мегаполісе або ў маленькай палескай вёсачцы. У апошнія гады гэта палітыка забяспечыла рост працягласці жыцця і нараджальнасці насельніцтва, зніжэнне смяротнасці нашых суайчыннікаў.

Гэтыя дасягненні ў многім сталі магчымыя дзякуючы поспехам рэспублікі ў сацыяльна-эканамічным развіцці, комплекснаму перааснашчэнню лячэбных устаноў новым абсталяваннем, высокаму прафесіяналізму, ведам і працавітасці медыцынскіх работнікаў, якія прысвяцілі сваё жыццё клопату аб здароўі чалавека.

У гэты святочны дзень ад усёй душы жадаю вам новых поспехаў і здзяйсненняў у вашай адказнай і высакароднай працы, моцнага здароўя, дабрабыту, міру і радасці вам і вашым блізкім.

З прафесійным святам, дарагія сябры!

Аляксандр Лукашэнка