Асноўныя колькасныя паказчыкі сістэмы адукацыі Беларусі (2006/2007 год)

Дашкольная адукацыя

Устаноў дашкольнай адукацыі – 4 135 (Мінадукацыі ­– 3893); колькасць выхаванцаў – 365 594 чалавекі.

Агульная сярэдняя адукацыя

Дзённых агульнаадукацыйных устаноў дзяржаўнай формы ўласнасці – 3979 (Мінадукацыі – 3974); у сельскіх населеных пунктах – 2643 ; у гарадскіх населеных пунктах – 1250 , у тым ліку:

312 пачатковых школ (у сельскіх населеных пунктах – 272 ; у гарадскіх населеных пунктах – 40 );

762 базавыя школы (у сельскіх населеных пунктах – 724 ; у гарадскіх населеных пунктах – 38 );

2612 сярэдніх школ (у сельскіх населеных пунктах – 1637 ; у гарадскіх населеных пунктах – 975 );

165 гімназій (у сельскіх населеных пунктах – 7; у гарадскіх населеных пунктах – 158 );

36 ліцэяў (у сельскіх населеных пунктах – 3, у гарадскіх населеных пунктах – 33);

6 навучальна-педагагічных комплексаў школа (гімназія)-каледж.

Вучацца 1 145 131 чалавек (у сельскіх населеных пунктах – 283 951 навучэнец, у гарадскіх населеных пунктах – 861 180 навучэнцаў).

Прафтэхадукацыя

Устаноў прафтэхадукацыі – 228 (Мінадукацыі – 226, вучылася ў 2006/07 навучальным годзе 114,6 тыс. чалавек).

Прафесійна-тэхнічных каледжаў – 53;

прафесійных ліцэяў – 63;

прафесійна-тэхнічных вучылішч – 112, з іх 15 прафесійна-тэхнічных вучылішч пры папраўчых установах Міністэрства ўнутраных спраў і 2 спецыяльныя прафесійна-тэхнічныя вучылішчы закрытага тыпу.

Падрыхтоўка на ўзроўні прафесійна-тэхнічнай адукацыі ажыццяўляецца ў 10 установах адукацыі іншых узроўняў. Выпуск кваліфікаваных рабочых на ўзроўні прафесійна-тэхнічнай адукацыі ў 2006 годзе склаў 50,0 тыс. чалавек.

Сярэдняя спецыяльная адукацыя

Устаноў сярэдняй спецыяльнай адукацыі – 123 дзяржаўныя і 10 прыватных. Таксама падрыхтоўку спецыялістаў з сярэдняй спецыяльнай адукацыяй ажыццяўляюць:

3 вышэйшыя каледжы;

9 ВНУ, якія маюць у структуры каледжы;

53 прафесійна-тэхнічныя каледжы;

Установа адукацыі «Рэспубліканскі інстытут прафесійнай адукацыі»;

7 навучальна-педагагічных комплексаў.

У гэтых установах адукацыі больш як па 150 спецыяльнасцях і 300 спецыялізацыях вучацца больш за 152,5 тыс. чалавек. Ва ўстановах адукацыі дзяржаўнай формы ўласнасці вучацца 136,7 тыс. чалавек, з іх на дзённую форму атрымання адукацыі залічана 32,8 тыс. чалавек, у іх ліку за кошт сродкаў бюджэту - 22,2 тыс. чалавек.

Вышэйшая адукацыя

Вышэйшых навучальных устаноў – 53; дзяржаўных вышэйшых навучальных устаноў – 43 (Мінадукацыі – 23), з іх:

універсітэтаў – 31;

акадэмій –7;

вышэйшых каледжаў – 3;

інстытутаў – 2;

ВНУ прыватнай формы ўласнасці – 12.

Падрыхтоўка спецыялістаў з вышэйшай адукацыяй ажыццяўляецца па 15 профілях, якія ўключаюць 360 спецыяльнасцей і больш як 1000 спецыялізацый.

У 2006/2007 навучальным годзе ў ВНУ вучыліся 396 910 чалавек (у 2005 годзе – 383 401 чалавек), а гэта больш за 407 студэнтаў на 10 тыс. насельніцтва. Колькасць сельскіх выпускнікоў, якія паступілі ў дзяржаўныя ВНУ, павялічылася і склала 18 % ад агульнай колькасці першакурснікаў.