Дзейнасць дзяржаўнай падатковай службы ў рэспубліцы рэгламентуецца Законам Рэспублікі Беларусь ад 2 лютага 1994 г. «Аб дзяржаўнай падатковай інспекцыі Рэспублікі Беларусь», Палажэннем аб Міністэрстве па падатках і зборах Рэспублікі Беларусь, зацверджанай пастановай Савета Міністраў Рэспублікі Беларусь ад 31.10.2001 №1592 і Тыпавым палажэннем аб інспекцыі Міністэрства па падатках і зборах Рэспублікі Беларусь, зацверджаным пастановай МПЗ Рэспублікі Беларусь ад 28.12.2001 №136. Для абмеркавання і выпрацоўкі рашэнняў па найбольш важных пытаннях зацверджана калегія МПЗ у складзе 15 чалавек.

Па стану на 01.02.2007 г. штатная колькасць падатковых органаў рэспублікі (без абслуговага персаналу) складае 9209 чалавек. У структуру міністэрства ўваходзіць 158 інспекцый МПЗ, у тым ліку 7 - па абласцях і г.Мінску, 151 – па раёнах, гарадах, раёнах у гарадах. Штатная колькасць цэнтральнага апарату міністэрства – 196 чалавек.

Падрыхтоўка спецыялістаў для падатковай службы ажыццяўляецца ў  Беларускім дзяржаўным эканамічным універсітэце, у Акадэміі кіравання пры Прэзідэнце Рэспублікі Беларусь, на эканамічных факультэтах іншых  навучальных устаноў рэспублікі. Павышэнне кваліфікацыі кадраў ажыццяўляецца на базе навучальных устаноў рэспублікі. Сярод іх вядучае месца займаюць Інстытут вышэйшых кіраўніцкіх кадраў Акадэміі кіравання пры Прэзідэнце Рэспублікі Беларусь, Беларускі дзяржаўны эканамічны універсітэт, навучальны цэнтр падрыхтоўкі, павышэння кваліфікацыі і перападрыхтоўкі кадраў Міністэрства фінансаў Рэспублікі Беларусь.

Перспектыўным напрамкам з’яўляецца перападрыхтоўка кадраў для падатковых органаў на базе Інстытута павышэння кваліфікацыі і перападрыхтоўкі эканамічных кадраў Беларускага дзяржаўнага  эканамічнага  універсітэта.

Указам Прэзідэнта Рэспублікі Беларусь ад 04.11.98 №527 устаноўлена прафесійнае свята - Дзень работнікаў падатковых органаў, якое штогод адзначаецца ў другую нядзелю ліпеня.

За высокія паказчыкі ў працы работнікі падатковых органаў узнагароджваюцца нагрудным знакам Міністэрства па падатках і зборах Рэспублікі Беларусь «Выдатнік падатковай службы», Ганаровай граматай Міністэрства па падатках і зборах і заахвочваюцца аб’яўленнем Падзякі Міністра па падатках і зборах.