 Свабодная эканамічная зона "Гроднаінвест" створана ў паўночна-заходнім рэгіёне Рэспублікі Беларусь. Яна ўяўляе сабой тры адасобленыя ўчасткі агульнай плошчай 1045,9 га ў г.Гродна і прылеглых да яго тэрытарыяльна-адміністрацыйных адзінках з развітой вытворчай, транспартнай, інжынернай і сацыяльнай інфраструктурай.
Горад Гродна, знаходзячыся на перакрыжаванні важнейшых гандлёвых шляхоў, з’яўляецца сувязным звяном паміж дзяржавамі Усходняй і Заходняй Еўропы.
У рэгіёне выпускаюць азотныя ўгнаенні і хімічныя валокны, запасныя часткі і камплектуючыя вырабы да аўтамабіляў, нестандартнае тэхналагічнае абсталяванне, мэблю, абутак, тэкстыльныя, швейныя і тытунёвыя вырабы, прадукцыю дрэваапрацоўкі і скураной вытворчасці, будаўнічыя матэрыялы.
Аграрны сектар эканомікі Гродзеншчыны, які дынамічна развіваецца і набліжаецца па асноўных паказчыках сельскагаспадарчай вытворчасці да еўрапейскіх і сусветных стандартаў, стымулюе развіццё прадпрыемстваў перапрацоўкі сельгаспрадукцыі.
Адрас адміністрацыі СЭЗ "Гроднаінвест"
д. 2/1, вул.Дзяржынскага, г.Гродна, 230023 Рэспубліка Беларусь
Тэл./факс: +375.152.77-11-76
тэл.: +375.152.77-07-39
http://www.grodnoinvest.com/
|
Версія для друку