Свабодная эканамічная зона "Гомель-Ратон" гасцінна адкрывае свае магчымасці для замежных інвестараў у адным з высокаразвітых індустрыяальных рэгіёнаў Рэспублікі Беларусь.
СЭЗ гатова сардэчна прыняць замежных гасцей на слаўнай зямлі Гомельшчыны, где здаўна перакрыжоўваліся гандлёвыя шляхі Поўнач - Поўдзень, Захад - Усход, а цяпер пракладзены сучасныя магістралі, якія вядуць у прамысловыя цэнтры Расіі, Украіны, Прыбалтыкі і маюць выхад у Цэнтральную Еўропу, да партоў Балтыйскага і Чорнага мораў. СЭЗ запрашае зацікаўленых асоб да ўзаемавыгаднага супрацоўніцтва з вельмі спрыяльнымі ўмовамі.

Перш за ўсё, гэта наяўнасць на тэрыторыі СЭЗ "Гомель-Ратон" высокатэхналагічнай базы прадпрыемстваў радыёэлектронікі, прыборабудавання, машынабудаўнічай, электратэхнічнай і кабельнай прамысловасці. Прычым прадпрыемстваў, якія маюць сёння свабодныя вытворчыя плошчы, складскія памяшканні, развітую інфраструктуру, поўны комплекс інжынерных камунікацый. Гэта таксама наяўнасць побач з гэтымі камунікацыямі свабодных тэрыторый для рэалізацыі новых інвестыцыйных праектаў. І, нарэшце, гэта наяўнасць высокаінтэлектуальнага кадравага інжынерна-тэхнічнага і рабочага патэнцыялу.

СЭЗ "Гомель-Ратон" - комплексная, вытворчасць яе рэзідэнтаў канцэнтруецца на выпуску экспартнай прадукцыі, асваенні новых і высокіх тэхналогій, плануецца развіццё тут зоны свабоднага гандлю экспартна-імпартнага характару, ажыццяўленне фінансавай, траставай і кіраўніцкай дзейнасці.

СЭЗ запрашае ўсіх у гасцінны Гомель для супрацоўніцтва ў атмасферы даверу і на аснове ўзаемнай выгады.

Свабодная эканамічная зона "Гомель-Ратон" мае свой афіцыйны вэб-сайт http://www.gomelraton.com, на якім прадстаўлена падрабязная інфармацыя як аб самой СЭЗ, так і аб Гомельскай вобласці ў цэлым на рускай і англійскай мовах.

Адміністрацыя СЭЗ "Гомель-Ратон":

17, вул.Фядзюнінскага,  г.Гомель, 246044 Рэспубліка Беларусь.

Тэлефон: +375(232) 56 7274, 56 3234, Fax: +375(232) 57 9291

Internet: http://www.gomelraton.com
email: info@gomelraton.com