Канцэпцыя дзяржаўнай кадравай палітыкі Рэспублікі Беларусь зацверджана Указам Прэзідэнта Рэспублікі Беларусь ад 18 ліпеня 2001 г. № 399.

Зацвярджэнне Канцэпцыі дзяржаўнай кадравай палітыкі Рэспублікі Беларусь было абумоўлена неабходнасцю рэалізацыі стратэгічнага курсу на фарміраванне сацыяльна арыентаванай рыначнай эканомікі, больш глыбокай інтэграцыі краіны ў сусветную эканамічную сістэму, удасканаленне механізма кіравання грамадствам на аснове спалучэння метадаў дзяржаўнага і рыначнага рэгулявання, выкарыстання сучасных арганізацыйных, інфармацыйных, сацыяльных і палітычных тэхналогій. Канцэпцыя арыентавалася на прыярытэты сацыяльна-эканамічнага развіцця Рэспублікі Беларусь у 2001-2005 годзе.

Дзяржаўная кадравая палітыка - гэта дзейнасць рэспубліканскіх і мясцовых органаў упраўлення па стварэнню цэласнай сістэмы фарміравання і эфектыўнага выкарыстання розных галін эканомікі і сфер дзейнасці, арыентаванага на эфектыўнае вырашэнне актуальных эканамічных, сацыяльных і палітычных задач.

Важнай задачай кадравай палітыкі з’ўляюцца карэнныя змены псіхалогіі кіраўнікоў. Нам патрэбны не пасіўныя, бяздумныя выканаўцы, здольныя толькі "спяваць ва ўнісон", а ініцыятыўныя і вопытныя кіраўнікі, якія могуць мабілізаваць і выкарыстоўваць асабістыя рэсурсы. Гэта адзначыў 20 лістапада 2003 года Прэзідэнт Рэспублікі Беларусь Аляксандр Лукашэнка, адкрываючы першы дзень работы пасяджэння пастаянна дзеючага семінара кіруючых работнікаў рэспубліканскіх і мясцовых дзяржаўных органаў.

Кадравая палітыка знаходзіцца на асабістым кантролі ў Прэзідэнта. Як адзначыў Аляксандр Лукашэнка на гэтым семінары, у Беларусі змаглі  прадухіліць кланавасць ва ўладзе. Кіраўніцтва рэспублікі вельмі акуратна падыходзіць да падбору кіраўніцкіх кадраў, старанна разглядаючы кожную кандыдатуру. "Ніхто нікога цяпер не можа пралабіраваць", - заявіў беларускі лідар. Крытэрыямі падбору кадраў з’яўляюцца прафесіяналізм і адданасць свайму народу. Важнай умовай якаснага фарміравання кадравага складу кіраўнікоў з’яўляецца адбор кандыдатаў на канкурэнтнай аснове. На гэты момант у краіне сфарміраваны дастаткова і дакладна структураваны кадравы рэзерв, што дае магчымасць поўнасцю рэалізаваць гэты прынцып.

Праграмай сацыяльна-эканамічнага развіцця Рэспублікі Беларусь на 2006-2010 гады вызначаны Асноўныя задачы дзяржаўнай палітыкі ў галіне працоўных адносін і занятасці насельніцтва. Гэта павышэнне эфектыўнасці выкарыстання рэсурсаў працы, фарміраванне кадравага патэнцыялу з улікам рэальных патрэбнасцей вытворчасці, забеспячэнне сацыяльнай падтрымкі часова не занятага насельніцтва.

На рынку працы прадугледжваецца рэалізаваць сістэму мер па стварэнню спрыяльных умоў для забеспячэння насельніцтва, пераадоленню дэфіцыту рабочых месц шляхам павышэння інвестыцыйнай актыўнасці за кошт усіх крыніц, зніжэння напружанасці і захавання стабільнасці ў сферы сацыяльна-працоўных адносін, своечасовай ліквідацыі дысбалансу паміж прафесійна-кваліфікацыйным складам кадраў і структурай рабочых месц, якая абнаўляецца, стрымання рэгістрыруемага беспрацоўя ў межах сацыяльна дапушчальнага ўзроўню.

Развіццё сістэмы працаўладкавання моладзі, стварэнне ўмоў для актыўнага і эфектыўнага яе ўдзелу ў сацыяльна-эканамічным жыцці краіны прадугледжваецца Рэспубліканскай праграмай "Моладзь Беларусі" на 2006-2010 гады. У межах рэалізацыі гэтай праграмы рэспубліканскімі органамі дзяржаўнага кіравання, мясцовымі выканаўчымі і распарадчымі органамі, Акадэміяй кіравання пры Прэзідэнце Рэспублікі Беларусь фарміруецца перспектыўны кадравы рэзерв з ліку навучэнскай моладзі і маладых спецыялістаў. Да 2007 года плануецца стварыць на аснове інтэрнэт-тэхналогій сістэмы інфармавання моладзі, у тым ліку беспрацоўнай, аб прафесіях, патрэбных на рынку працы, магчымасцях навучання і павышэння кваліфікацыі па гэтых прафесіях, працаўладкавання і часовай занятасці. Пачынаючы з 2006 года штогод будзе праводзіцца рэспубліканскі конкурс праектаў у галіне малога прадпрымальніцтва сярод моладзі, а да 2009 года праграмай прадугледжана ўвядзенне сістэмы доўгатэрміновага льготнага крэдытавання маладзёжных фермерскіх гаспадарак.