Комплекс кляштара езуітаў - ХVI-XVII стст.
- касцёл
- вежа
- агароджа з брамай
г.Нясвіж, вул.Міцкевіча, 2

Пабудаваны ў 1587-1593 гг. па праекту італьянскага архітэктара Яна Марыі Бернардоні па фундацыі Мікалая Крыштофа Радзівіла Сіроткі. Асвячоны 7 кастрычніка 1601 года. За аснову праекта, хоць і са значнымі змяненнямі, была ўзята планіроўка галоўнага храма езуітаў Іль Джэзу ў Рыме. Аднак пры агульным кампазіцыйным падабенстве і барочнай стылістыцы нясвіжскі касцёл значна адрозніваецца, што абумоўлена мясцовымі будаўнічымі традыцыямі і патрабаваннямі заказчыка.

Пасля пажару ў сярэдзіне 17 стагоддзя касцёл адноўлены архітэктарам Крыгерам.

Каля 1705 года па ініцыятыве Караля Станіслава Радзівіла былі пачаты рамонтныя работы і рэканструкцыя касцёла, якія прадаўжаліся амаль паўстагоддзя і завяршыліся пры Міхаіле Казіміры Радзівіле Рыбаньцы.

Пасля забароны ордэна езуітаў у 1773 годзе касцёл стаў прыходскі. Храм быў пашкоджаны ў гады Вялікай Ачыннай вайны, адноўлены ў 1944 годзе.

Касцёл прадаўжае дзейнічаць як каталіцкі храм.