Удзельнікам XIX Мінскай міжнароднай кніжнай выстаўкі-кірмашу

Дарагія сябры!

Сардэчна вітаю вас з адкрыццём ХІХ Мінскай міжнароднай кніжнай выстаўкі-кірмашу.

У Рэспубліцы Беларусь 2012 год аб'яўлены Годам кнігі і прызначаны папулярызаваць нацыянальную літаратуру. Сімвалічна, што ён супаў са 130-гадовым юбілеем з дня нараджэння беларускіх класікаў Янкі Купалы і Якуба Коласа. Іх творы не толькі ўзвялічваюць нашу Радзіму, але да гэтага часу аказваюць глыбокі ўплыў на душы людзей, на іх самасвядомасць.

Мы бачым, наколькі вялікая ў краіне цікавасць да друкаванага слова. Упэўнены, што гэты форум надасць новы імпульс развіццю айчыннага кнігавыдання, наблізіўшы беларускую літаратуру да замежнага чытача.

За час свайго правядзення выстаўка-кірмаш ужо стала знакавай падзеяй у духоўным жыцці нашай дзяржавы. Яе па праву можна назваць маштабным аглядам дасягненняў выдаўцоў розных краін і аўтарытэтнай пляцоўкай для абмену вопытам прафесіяналаў.

Жадаю ўсім удзельнікам гэтага мерапрыемства плённай працы, узаемаразумення, натхнення і аптымізму.

Аляксандр Лукашэнка