Дарагія таварышы!

Сардэчна віншую вас з 25-годдзем з дня ўтварэння Беларускага грамадскага аб'яднання ветэранаў.

Ваша арганізацыя з'яўляецца адной з самых масавых і аўтарытэтных у краіне і аб'ядноўвае ў сваіх радах ветэранаў вайны і працы, Узброеных Сіл і праваахоўных органаў.

Беларускі народ заўсёды будзе помніць баявыя і працоўныя подзвігі тых, хто прайшоў цярністымі франтавымі дарогамі, адстойваючы свабоду і незалежнасць нашай Радзімы, узнімаў родную зямлю з руін пасля Вялікай Айчыннай вайны, аднаўляў народную гаспадарку, забяспечваў развіццё эканомікі, адукацыі і культуры, ахоўваў мір і спакой грамадзян.

Ваш уклад у дзяржаўнае будаўніцтва неацэнны. І сёння вы ў страі - дапамагаеце мудрай парадай, удзелам у выхаванні маладога пакалення, вучыце нас захоўваць вернасць традыцыям бацькоў і дзядоў.

Дзякуй за працу, патрыятызм і актыўную грамадзянскую пазіцыю.

Моцнага вам здароўя, бадзёрасці духу, жыццёвых сіл і новых ідэй для прадаўжэння вашай грамадскай дзейнасці на карысць Беларусі.

Аляксандр Лукашэнка