Ліцэнзуемыя віды дзейнасці

Дэкрэтам Прэзідэнта Рэспублікі Беларусь ад 14 ліпеня 2003 г. № 17  «Аб ліцэнзаванні асобных відаў дзейнасці» (Нацыянальны рэестр прававых актаў Рэспублікі Беларусь, 2003 г., № 79, 1/4779) са змяненнямі і дапаўненнямі, зацверджаны пералік відаў дзейнасці, на ажыццяўленне якіх патрабуюцца спецыяльныя дазволы (ліцэнзіі), і ўпаўнаважаных на іх выдачу дзяржаўных органаў і дзяржаўных арганізацый.

Дэкрэтам устаноўлены вычарпальны Пералік відаў дзейнасці, на ажыццяўленне якіх патрабуюцца спецыяльныя дазволы (ліцэнзіі), і упаўнаважаных на іх выдачу дзяржаўных органаў і дзяржаўных арганізацый. Пры гэтым віды дзейнасці, што не падлягаюць ліцэнзаванню ў адпаведнасці з Дэкрэтам, ажыццяўляюцца без наяўнасці адпаведных спецыяльных дазволаў (ліцэнзій).

Парадак атрымання ліцэнзій:

Для атрымання ліцэнзіі суіскальнік ліцэнзіі прадстаўляе ў адпаведны орган:

заяву аб выдачы ліцэнзіі з называннем:

для юрыдычнай асобы – назвы і месца яе знаходжання,

для фізічнай асобы - прозвішча, імя, імя па бацьку, пашпартных даных (серыя, нумар, калі і кім выдадзены, месца жыхарства), ліцэнзуемага віду дзейнасці (работ або паслуг па гэтаму віду дзейнасці), які суіскальнік  ліцэнзіі мае намер ажыццяўляць;

копіі ўстаноўчых дакументаў (статута) юрыдычнай асобы, за выключэннем устаноўчых дакументаў замежнай юрыдычнай асобы, пасведчання аб дзяржаўнай рэгістрацыі юрыдычнай асобы або індывідуальнага прадпрымальніка без натарыяльнага засведчання;
копію паведамлення падатковага органа аб прысваенні ўліковага нумара падаткаплацельшчыка;

дакумент аб выплаце ліцэнзійнага збору за разгляд заявы;

выпіску з гандлёвага рэестра краіны знаходжання (паходжання) або іншы  дакумент, які пацвярджае рэгістрацыю (для замежнай юрыдычнай асобы ).

Дакументы, што прад’яўляюцца замежнымі юрыдычнымі асобамі, павінны быць перакладзены на беларускую або рускую мову і засведчаны ва ўстаноўленым парадку;

іншыя дакументы, названыя ў палажэнні аб ліцэнзаванні віду дзейнасці, які ажыццяўляецца на падставе ліцэнзіі,  або  вызначаныя Прэзідэнтам Рэспублікі Беларусь.

па відах дзейнасці:

• дзейнасць, звязаная з вытворчасцю алюмінію, свінцу, цынку, волава, медзі і адліўкай гатовых вырабаў і паўфабрыкатаў з алюмінію і цяжкіх каляровых металаў
• дзейнасць у галіне сувязі
• дзейнасць, звязаная з прадукцыяй ваеннага прызначэння
• дзейнасць па нарыхтоўцы і перапрацоўцы драўніны
• вядзенне паляўнічай гаспадаркі
• вядзенне рыбылоўнай гаспадаркі
• знешняі гандаль асобнымі відамі тавараў
• дзейнасць, звязаная са зборам і распаўсюджваннем (у тым ліку ў глабальнай камп'ютэрнай сетцы Інтэрнэт) інфармацыі аб фізічных асобах з мэтай іх знаёмства
• дзейнасць, звязаная з аздараўленнем дзяцей за мяжой
• перапрацоўка, кансерваванне рыбы і морапрадуктаў
• дзейнасць па праектаванню і будаўніцтву будынкаў і збудаванняў
• перавозкі пасажыраў і грузаў
• дзейнасць у галіне авіяцыі
• прафесійная і біржавая дзейнасць па каштоўных паперах
• медыцынская дзейнасць
• фармацэўтычная дзейнасць
• дзейнасць, звязаная з абаротам наркатычных сродкаў, псіхатропных рэчываў і іх прэкурсораў
• дзейнасць у сферы ігральнага бізнесу і турыстычнай дзейнасці
• выдавецкая і паліграфічная дзейнасць
• аптовы і рознічны гандаль нафтапрадуктамі
• дзейнасць па тэхнічнай абароне інфармацыі, у тым ліку крыптаграфічнымі метадамі, уключаючы прымяненне электроннага лічбавага подпісу
• геадэзічная і картаграфічная дзейнасць
• дзейнасць, звязаная з выкарыстаннем прыродных рэсурсаў і ўздзеяннем на навакольнае асяроддзе
• дзейнасць антыкрызіснага кіраўніка ў вытворчасці па справе аб эканамічнай неплацежаздольнасці (банкруцтве)
• адвакацкая дзейнасць
• дзейнасць па аказанню юрыдычных паслуг
• дзейнасць па распаўсюджванню прававой інфармацыі
• ветэрынарная дзейнасць
• дзейнасць, звязаная з сяўбой і вырошчваннем культур, якія змяшчаюць наркатычныя і атрутныя рэчывы
• дзейнасць, звязаная з халоднай зброяй неваеннага  прызначэння, зброяй паляўнічай, спартыўнай, газавай  (у тым ліку газавымі балончыкамі), боепрыпасамі да яе, калекцыяніраваннеі і экспанаваннем зброі
• дзейнасць па забеспячэнню бяспекі юрыдычных і фізічных асоб
• дзейнасць у галіне прамысловай бяспекі
• дзейнасць па забеспячэнню пажарнай бяспекі
• дзейнасць, звязаная з ажыццяўленнем кантролю радыеактыўнага забруджвання
• дзейнасць у галіне мытнай справы
• адукацыйная дзейнасць
• аўдытарская дзейнасць
• дзейнасць па  распрацоўцы і вытворчасці бланкаў строгай справаздачнасці, а таксама спецыяльных матэрыялаў для аховы іх ад падробкі
• страхавая дзейнасць
• латарэйная дзейнасць
• дзейнасць,  звязаная з каштоўнымі металамі і каштоўнымі камянямі
• дзейнасць, звязаная з прыцягненнем у Рэспубліку Беларусь замежнай рабочай сілы і працаўладкаваннем грамадзян Рэспублікі Беларусь за мяжой

Ліцэнзаванне ў абласных цэнтрах:

• Брэсцкая вобласць
• Віцебская вобласць
• Гомельская вобласць
• Гродзенская вобласць
• Мінская вобласць
• Магілёўская вобласць
• горад Мінск