Прэзідэнт Беларусі Аляксандр Лукашэнка 30 снежня падпісаў Указ № 711 "Аб некаторых пытаннях ажыццяўлення абавязковай юрыдычнай экспертызы нарматыўных прававых актаў".

Для забеспячэння аднолькавых падыходаў да ажыццяўлення юрыдычнай экспертызы ўдакладняюцца крытэрыі ацэнкі нарматыўных прававых актаў. Гэтыя акты падлягаюць прававому аналізу ў мэтах устанаўлення іх адпаведнасці нарматыўным прававым актам большай юрыдычнай сілы, у тым ліку якія змяшчаюць патрабаванні нарматворчай тэхнікі, а таксама міжнародным дагаворам.

У мэтах абароны правоў і свабод грамадзян замацоўваецца неабходнасць адмены нарматыўных прававых актаў, якія не прайшлі юрыдычную экспертызу.

Устанаўліваюцца падставы аднясення актаў да лакальных нарматыўных прававых актаў, якія не падлягаюць юрыдычнай экспертызе.

Міністэрства юстыцыі надзяляецца паўнамоцтвамі ўносіць у Адміністрацыю Прэзідэнта Беларусі інфармацыю аб выяўленых і не ўстаранёных парушэннях парадку падрыхтоўкі і прыняцця нарматыўных прававых актаў дзяржаўнымі органамі (арганізацыямі), падпарадкаванымі (падсправаздачнымі) Кіраўніку дзяржавы.

На кіраўнікоў Нацыянальнага банка, Нацыянальнай акадэміі навук Беларусі, міністэрстваў, іншых рэспубліканскіх органаў дзяржаўнага кіравання, абласных, Мінскага гарадскога Саветаў дэпутатаў, аблвыканкамаў, Мінскага гарвыканкама, мясцовых Саветаў дэпутатаў, выканаўчых і распарадчых органаў базавага ўзроўню ўскладаецца персанальная адказнасць за якасць прымаемых нарматыўных прававых актаў.

Прадугледжваецца правядзенне на пастаяннай аснове ў Акадэміі кіравання пры Прэзідэнце Беларусі павышэння кваліфікацыі для работнікаў дзяржаўных органаў (арганізацый), якія займаюцца падрыхтоўкай праектаў нарматыўных прававых актаў.

Указ уступае ў сілу з 1 студзеня 2011 года.

Тэкст Указа глядзіце, калі ласка, у рускай версіі на Партале Прэзідэнта Рэспублікі Беларусь