Беларусь: лічбы і факты

Афіцыйная назва: Рэспубліка Беларусь
Дзяржаўны лад: прэзідэнцкая рэспубліка
Прэзідэнт: Лукашэнка Аляксандр Рыгоравіч
Сталіца: Мінск (1 млн. 780,7 тыс. чалавек (на 1 студзеня 2006 года)
Дзяржаўныя мовы: беларуская і руская
Нацыянальная валюта: беларускі рубель (з 26 ліпеня 1993 года)

Геаграфічнае становішча

Рэспубліка Беларусь размешчана ва ўсходняй частцы Еўропы. Яна мяжуе з Літвой і Латвіяй на поўначы, з Украінай на поўдні, з Расійскай Федэрацыяй на ўсходзе і з Польшчай на захадзе. Краіна мае стратэгічнае становішча для зносін захаду і ўсходу, поўначы і поўдня. Адлегласць ад Мінска да Варшавы складае 500 км, да Масквы - 700 км, да Берліна - 1060 км, да Вены - 1300 км.

Тэрыторыя займае 207.6 тыс. кв.км. Працягласць з поўначы на поўдзень складае 560 км (350 міль), з усходу на захад - 650 км (460 міль). Беларусь большая, чым Аўстрыя, Ірландыя, Партугалія і Грэцыя. Сталіца Рэспублікі Беларусь — горад Мінск. Размешчаны ён прыблізна на той жа шыраце, што Гамбург і Дублін.

Мясцовы час

Беларусь знаходзіцца ў цэнтральна-еўрапейскім часавым поясе: GМТ+2 гадзіны. Калі ў Беларусі поўдзень, у Парыжы 11:00, у Лондане 10:00, у Нью- Ëрку 5:00, у Лос-Анджэлесе 2:00, у Маскве 13:00.

Клімат

У Беларусі ўмераны клімат, мяккая і вільготная зіма, цёплае і вільготнае лета. Сярэдняя тэмпература ў студзені складае -6 "С, а ў ліпені +18 "С. За год выпадае 550-700 мм ападкаў.

Адміністрацыйны падзел

Беларусь мае 6 абласцей з цэнтрамі ў Мінску, Брэсце, Віцебску, Гомелі, Гродне і Магілёве. Кожная вобласць падзяляецца на раёны, гарады і іншыя тэрытарыяльныя і адміністрацыйна-гаспадарчыя адзінкі. У Беларусі размешчана больш як 100 гарадоў, у тым ліку 12 гарадоў з насельніцтвам звыш 100 тыс. чалавек.