Работнікам сельскай гаспадаркі і
перапрацоўчай прамысловасці

Паважаныя працаўнікі аграпрамысловага комплексу!

Сардэчна віншую вас з прафесійным святам - Днём работнікаў сельскай гаспадаркі і перапрацоўчай прамысловасці.

Інавацыйны шлях развіцця нашай сельскай гаспадаркі, працавітасць беларускіх вяскоўцаў з году ў год даюць магчымасць гарантавана атрымліваць высокія вынікі ў вытворчасці жывёлагадоўчай і раслінаводчай прадукцыі. У тры разы павялічылася за мінулае пяцігоддзе прадукцыйнасць працы ў галіне. У поўным аб'ёме забяспечваецца сыравінай і інтэнсіўна развіваецца перапрацоўчая прамысловасць. Пашыраецца наменклатура прадуктаў харчавання, паляпшаецца іх якасць. Насельніцтва краіны цалкам забяспечана прадуктамі харчавання, значныя аб'ёмы іх пастаўляюцца на экспарт у розныя краіны свету.

У аснове гэтых высокіх вынікаў ляжыць сапраўды самаадданая праца ўсіх работнікаў і ветэранаў сельскай гаспадаркі, перапрацоўчых і абслуговых арганізацый, прадпрыемстваў сельгасмашынабудавання і па вытворчасці ўгнаенняў, вучоных-аграрыяў.

За адданасць нялёгкай сельскай працы, дбайнае вядзенне работ на роднай зямлі, важкі ўклад ва ўмацаванне аграрнай эканомікі і харчовай бяспекі краіны выказваю вам шчырую ўдзячнасць.

Упэўнены, што дасягнуты вынік не стане мяжой і, працуючы з поўнай аддачай, вы прымножыце яго.

Жадаю вам і вашым сем'ям добрага здароўя, шчасця, новых працоўных перамог у імя любімай Беларусі.

Аляксандр Лукашэнка