Віншаванне Прэзідэнту Зімбабвэ Эмерсану Мнангагву
Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Зімбабвэ Эмерсана Мнангагву і дружалюбны народ гэтай краіны з Днём Незалежнасці.
Кіраўнік дзяржавы адзначыў, што 44 гады таму краіна Зімбабвэ скінула каланіяльныя аковы і набыла магчымасць самастойна праводзіць уласную знешнюю і ўнутраную палітыку, накіраваную на забеспячэнне ўстойлівага развіцця краіны і павышэнне якасці жыцця грамадзян. "Беларусь з задавальненнем назірае за паспяховымі дынамічнымі змяненнямі ў розных галінах эканомікі Зімбабвэ", - гаворыцца ў віншаванні.
Прэзідэнт звярнуў увагу на важную ролю абмену візітамі на вышэйшым узроўні для ўмацавання двухбаковых кантактаў і выказаў надзею на хуткую сустрэчу з Эмерсанам Мнангагвам на гасціннай беларускай зямлі.
"Упэўнены, практычная рэалізацыя дасягнутых раней дамоўленасцей і вынікі Вашага будучага візіту ў Беларусь пасадзейнічаюць нашаму стратэгічнаму партнёрству і плённаму ўзаемадзеянню, арыентаванаму на доўгатэрміновую перспектыву", - падкрэсліў беларускі лідар.
Аляксандр Лукашэнка пажадаў Эмерсану Мнангагву моцнага здароўя і поспехаў, а жыхарам Зімбабвэ - шчасця і дабрабыту.