Віншаванне народнаму артысту Расійскай Федэрацыі Станіславу Міхайлаву
Прэзідэнт Беларусі Аляксандр Лукашэнка павіншаваў народнага артыста Расійскай Федэрацыі Станіслава Міхайлава з 55-годдзем.
"Дзякуючы творчаму таленту, працавітасці і абаянню Вы занялі дастойнае месца сярод зорак сучаснай эстрады. Ваша непаўторная манера выканання, якая вызначаецца асаблівай шчырасцю і глыбінёй пачуццяў, пакарыла сэрцы мільёнаў паклоннікаў. На беларускай зямлі Вас цэняць як цудоўнага артыста, які ўносіць вялікі ўклад ва ўмацаванне культурных сувязей паміж братэрскімі народамі Беларусі і Расіі", - гаворыцца ў віншаванні.
Аляксандр Лукашэнка пажадаў Станіславу Міхайлаву даўгалецця, натхнення і невычэрпнай энергіі.